من ديوان : فيض المشاعر
تاريخ الإضافة : 5-2-1431 هـ (4:40) مساءً
عدد الزيارات : 52
من صفر أبا أبدى لين أعانق طموحي=أمري على الله وأحتزم بالحزامي
بالعزم والهمه أبا أبني صروحي=ويكون لأسمي شان بين الأسامي
أشوف برق الخير قدمي يلوحي=وسط السحاب يلوح عقب العسامي
هاضت به أمالي وعالج جروحي=وخلا عيوني شوفها للأمامي
وأنا أحمد الله ميزتي في وضوحي=اللي بقلبي أظهره بالكلامي
وللربع والأصحاب رجل(ن) نصوحي=وأقدر الرجال حسب المقامي
همي ليا عشت الفخر والمدوحي=واليا قربت الموت حسن الختامي
يالله ياعالم بسري وبوحي=أنك توفقني لنيل المرامي
