علموني كيف بحكي دام عذبني السكوت=واشعلو جمرة حنيني لين تنطقني الشفاه
مابقى غير القصيد المر وترتيب البيوت=والحروف اقزام والاقلام جفت من جفاه
اكتبوني في دفاتر صمت واوراق وكروت=وارسموني لوحة العشاق بروازي شذاه
وعلموها ان القلوب اوطان والنبضات قوت=وعلموها الشوق يكوي والمواصل هو دواه
علموها ان الرجال تصيح لكن دون صوت=وعلموها اني على الميثاق وعهودي وراه
علموها لاتخلي قلب عاشقها يمـــوت=وعلموها ان المفــــارق يتبعه آآآآآهِ وآآآآه
علموها العمر يمشي مثل خيط العنكبوت=وعلموهـــا لايفل النجم من عالــي سماه
علموها ان السنين بدون شوفتها تفوت= وعلموها وش بلا حظي عثر بي وش بلاه
علموها قربها لاصار؟ طعمه طعم توت=وعلموها سالفــة عشقي بقلبــي وآعنــاه
علموها صارت الدنيا بعيني بطن حوت=وعلموها ظلمة ايام المنعى هي شقــاه
وعلموني كيف بغيابه يلازمني السكوت=واشعلو جمرة حنيني لين تنطقني الشفاه