سلام مني للرجـال الـي يصـدون الحـراب=ماجيت ادور بالرجـال الـي بـدون احرابهـا
شاعر ووقفاتي مع ربعي وانـا تـوي شبـاب=من لابت(ن)كـل القبائـل يحسبـون احسابهـا
جذورها بالارض مغروسه مهي فوق التـراب=وافعالهـا فـوق السحـاب معديـه مرقابـهـا
قبيلت(ن) يشهد لها التاريخ في يـوم الصعـاب=زبن الدخيل الي ليا ضاقـت زبـن محرابهـا
من قبل توحيـد الجزيـره لاتضـام ولاتهـاب=تقدم على كـل الـدروب الهينـه واصعابهـا
ايام كانو الناس لا ماكـل ولا حتـى شـراب=كانو الضيوف اليا نصوها ..يدسمـون اشنابهـا
اجدادنا كانو ..وكانو .. ويش قلت ؟ويش غاب؟=قصص تشيِب راس مـن يقـرا لهـا بكتابهـا
واليوم في عهد السعودي نهجها في كـل بـاب=الدين..والقرآن..والسـنـه وكــل ابوابـهـا
جنود للدوله وحامين الوطـن شايـب وشـاب=بأعلى المراتـب والعلـوم منوخيـن اركابهـا
هذي بني الحارث قبيله شامخه وأخذو الجواب=والي ذكرتـه ماذكـرت إلا فعـول اصحابهـا
وانا الحفيد الي يسموني ولد حضـرة جنـاب=من نسل شيخاً في المصامد قصته يحكـا بهـا
وإن ماكتبت الشعر في ربعي وعديت الصواب=خليت شعري في مهب الريح خلـف اطنابهـا
واختامها صلو على المختار الى يوم الحسـاب=شفيع الأمه في نهار الحشـر يـوم احسابهـا